hamariweb

بنگلہ دیش میں جاری ویمن ایشیا کپ میں پاکستان ویمن کرکٹ ٹیم کی آل راؤنڈر کائنات امتیاز اور والدہ سلیمہ امتیاز ایک ساتھ ملک کی نمائندگی کر رہی ہیں۔ 

کائنات امتیاز کی والدہ نے سلہٹ میں انڈیا اور سری لنکا کے درمیان کھیلے گئے میچ میں امپائرنگ کریں گی۔

اسی سلسلے میں کائنات امتیاز نے سماجی رابطوں کی ویب سائٹ ٹوئٹر پر اپنی ٹویٹ میں لکھا کہ ’میں اپنی والدہ کو 2022 کے ایشیا کپ کی امپائر کے طور پر پیش کر رہی ہوں، جو کچھ انہوں نے حاصل کیا مجھے اس سے زیادہ ان پر  فخر نہیں ہوسکتا۔‘

انہوں نے اپنی والدہ کے متعلق کہا ’پاکستان کی نمائندگی کرنا ان کا خواب تھا، جو میں پورا کر رہی تھی۔ ایک طویل انتظار کے بعد اب وہ پاکستان کی نمائندگی کر رہی ہیں۔‘

کائنات امتیاز نے مزید کہا کہ ’میرے والد کو بھی بہت بہت مبارک ہو جنہوں نے ہر قدم پر ہمارا ساتھ دیا، ہمیں ہمت دی اور کبھی ہارنے نہ دیا۔ وہ ہمارے بہترین ناقد رہے۔‘

کائنات امتیاز کی والدہ سلیمہ امتیاز نے پہلی مرتبہ کسی انٹرنیشنل میچ میں امپائرنگ کے فرائض سر انجام دیے ہیں جبکہ اس سے پہلے وہ خواتین کے مقامی ٹورنامنٹ میں امپائرنگ کر چکی ہیں۔

Presenting my MOM as an UMPIRE for Women’s Asia Cup’22. I can’t be more proud of what she has achieved. It was always a dream of her to represent Pakistan,the dream I had been living for her.& now after a very long wait she is going to represent Pakistan super excited. pic.twitter.com/kNvjvSmPAr

— Kainat Imtiaz (@kainatimtiaz16) October 1, 2022

کائنات امتیاز پاکستان ویمن ٹیم کی نمائندگی کرتے ہوئے 15 ون ڈے میچز اور بیس ٹی20 میچز کھیل چکی ہیں۔

کائنات امتیاز کی اس ٹویٹ کے بعد ان کی والدہ کی کامیابی کو ٹوئٹر پر سراہا جا رہا ہے۔

ٹوئٹر صارف الشباہ نے لکھا ’ماں بیٹی کی جوڑی، حقیقی ملکائیں۔ آج کے ویمن ایشیا میں سلیمہ امتیاز امپائر ہوں گی اور بیٹی کائنات امتیاز کھیلیں گی۔‘

THE REAL QUEENS  Mother daughter duo 

Saleema Imtiaz the umpire and Kainat Imtiaz the player today in women’s asia cup.#PakistanZindabad  #WomensAsiaCup #kainatimtiaz pic.twitter.com/LIb19XaQBY

— Alishbah Bint E Usman (@gharpayraho) October 2, 2022

صارف سلمان احمد نے دونوں کو مبارکباد دیتے ہوئے لکھا ’ہماری آپ سب کے لیے خواہش ہے کہ بہترین کارکردگی دکھائیں اور ملک کا سر فخر سے بلند کریں۔‘

Inshallah.

— Kainat Imtiaz (@kainatimtiaz16) October 1, 2022

سپورٹس صحافی ارسلان جٹ کہتے ہیں ’یہ ویمن امپاوَرمِنٹ (بااختیار ہونے) کی حقیقی مثال ہے، آپ دونوں کے لیے نیک تمنائیں۔‘

True example of women empowerment 

All the Best to both of you..Proud of Pak 

— Arslan Jutt (@ArslanJutt43) October 1, 2022

خیال رہے ویمن ایشیا کپ بنگلہ دیش میں جاری ہے جس میں پاکستان ویمن ٹیم نے اتوار کے روز اپنے پہلے میچ میں ملائشیا کو 9 وکٹوں سے ہرایا۔

Source :  hamariweb